Sakata la kifo cha Irene Mallya, mwenye umri wa miaka 24, mkazi wa Mtaa wa Lemara, Kata ya Lemara jijini Arusha, limeibua maswali mbalimbali baada ya mwanamke huyo kufariki dunia kufuatia kudaiwa kujeruhiwa kwa chupa akiwa pamoja na wenzake katika eneo la burudani jijini humo.
Baada ya tukio hilo, jina la eneo la burudani la 'The Hub', lililopo jijini Arusha, lilianza kutajwa katika mijadala mbalimbali kuhusiana na tukio hilo.
Kutokana na hilo, mwandishi wa Global TV mkoani Arusha, Korumba Lebabaz, alimtafuta Mkurugenzi wa The Hub ili kupata ufafanuzi kuhusu madai ya eneo hilo kuhusika na tukio lililosababisha kifo cha Irene.
Akizungumza na Global TV, Mkurugenzi huyo ameeleza kilichobainika kupitia kamera za CCTV zilizokuwa zikirekodi matukio katika eneo hilo, akisema picha hizo zinaonyesha Irene akiondoka katika eneo la The Hub akiwa salama.
Kwa mujibu wa Mkurugenzi huyo, hakuna tukio lililonaswa na kamera hizo linalomuonyesha Irene akijeruhiwa au kukumbwa na tukio lolote ndani ya eneo la The Hub ambalo linaweza kuhusishwa moja kwa moja na kifo chake.
Select theme:
